Engadir chuza! a blogger

Esta pasada noite navegando pola rede decateime de que non había ningunha explicación na nosa lingua de como engadir links a webs 2.0 (redes sociais) como é o caso de CHUZA! ao voso blogue aloxado en Blogger (concretamente a nova versión de blogger). Pois ben, vóuvolo explicar aquí nuns sinxelos pasos que todos entenderedes facilmente:

1-. Entrades en blogger co voso nome de usuario e contrasinal e na páxina que vos aparece picades en plantilla.

2- Agora premedes en "Edición html" e despóis arriba no navegador ides a "Editar" logo a "buscar" e buscades o seguinte código ($BlogItemBody$)(/div).

3-. A continuación do código anterior tedes que inserir isto:

(a href = "http://chuza.org/submit.php?url=($BlogItemPermalinkURL$)") (img src="http://www.galicia-hoxe.com/img/btnChuza.gif" title="Chuza!" border="0" /)(/a)


- Explícovos, http://chuza.org/submit.php?, isto é a dirección de Chuza, no caso que queirades engadir outra dirección como Menéame, Yahoo ... tedes que cambiar esa dirección pola que corresponda.

- Aquí, img src="http://www.galicia-hoxe.com/img/btnChuza.gif, vai o lugar donde está aloxada a imaxe do icono, (aquí por exemplo está mangada do periódico Galicia Hoxe xD) pero non tedes máis que collela de calquera lado e subila a Imageshack ou outro polo estilo e aloxar a imaxe de maneira gratuíta (mesmo a podedes subir nun post do propio blogger, copiar a dirección na que queda aloxada e logo borrar o post xa que a imaxe queda aloxada de todos modos).

- E por último, title="Chuza!" , aquí poñede o nome da rede social que queredes enlazar.

-Recordade premer "Vista previa" antes de gardar os cambios e observar se todo está correcto. Se tedes algunha dúbida non tedes máis que deixar aquí un comentario e axudareivos no que poida.

*Lembrade substituir "(" e ")" por "<" e ">" onde corresponda.

Saúdos ;)